Skím er hugarfóstur mitt – draumur sem ég hef gengið með lengi í maganum.
Ég hef alltaf elskað að skapa, búa til og láta hugmyndir verða að veruleika.
Ilmir hafa heillað mig frá unga aldri; hvernig þeir geta vakið minningar, ró og hlýju – eða fært manni orku og innblástur.

Kertin mín eru gerð úr 100% sojavaxi og hver ilmur fær innblástur sinn frá mismunandi árstíðum, stemningum og tilefnum. Ég handgeri hvert og eitt kerti í litlu vinnustofunni minni þar sem hugurinn, hendurnar og hjartað vinna saman.

Skím er fyrir mig meira en bara kertaframleiðsla.
Það er leið til að skapa hlýju, fegurð og ró – í formi ljóss og ilms.